فتاة اسمها ربى، ليست من المؤثرين ولا المشاهير وفق تصنيفات السوشال ميديا.. هي فقط فتاة نقلت ما تشعر به تجاه والدها إلى كلمات ونشرتها على منصات التواصل الاجتماعي.

وما هي إلا ساعات حتى انتشر وسم #مطعم_سهول_سحاب في الأردن ودول عربية.. إليكم القصة كاملة:

مرحبا يا جماعة

والله بكتب ودموعي على خدي، اليوم حكيت مع بابا وكان صوته كتير تعبان واخر اشي صار يبكي، امانه ساعدوني بطلب صغير.. بابا فتح محل شاورما في سحاب واله تلات ايام ما بروح ع البيت وحاط كل تعبه بالمحل بس المحل ما بجيب شغل منيح وهوه كتير زعلان حكا لليوم معي وكان بعيط بحكيلي لسا ما بعت اشي.

بابا اله بشتغل بالشاورما من 2003 الحمد لله دايما للكل بمدح بالخلطه والشاورما تاعته بس عشانه كبر بالعمر ما حد رضى يشغله عنده وهوه الوحيد يلي بنستند عليه بعد ربنا الحمد لله وقرر يفتح محل اله شاورما لانه ما حد بعرف المحل وجديد بابا مش قاعد ببيع منيح

مع انه أسعاره ابدا مش غاليه وكتير منيحه وهوه ما يقصر مع أي حد بيجي عنده لو ع حسابه الشخصي المهم عنده السمعه بشغله تضل نضيفه، اجيت بدي اعمله اعلان كتير بوخذوا غالي ما معي حق اعلان.

ف حكيت هاد اخر حل اني انزل بوست عشان تساعدوني أسألكم بالله ساعدونا بابا هاي رزقته الوحيده اقسم بالله ما دخل من اول الشهر ع دارنا دينار والحمد لله بنحكي ان شاء الله خيرسا.. عدوني أسألكم بالله يلي قريب من سحاب.

اسم محله سهول سحاب قرب دوار البلديه.. الأسعار العادي ب 1,75 السوبر 2,30 والدبل 3,00 والتربل 4,00.. صدقوني رح تحبوا الشاورما منه كتير.. ادمن اقبلي الله يرضى عليكم قبل لا يخلص اليوم وبابا يخسر الشغل".

ماذا حصل بعد ذلك؟